Home » Kattarangko Jakkalna Changani

Kattarangko Jakkalna Changani

Melkey Chisim

“A·gilsakko watangaha” ine Salantini Janera-o gatataniko an·ching nikronga. Indakgipa seanirango ‘Ua 2005 bilsini June 10 tariko siaha’ ine seja, indiba “Ua 2005 bilsini June 10 tariko jringjrotna neng·takna gita Pagipani rimangako man·aha” inesa sea. Uan miksonganide apsan ong·a, indiba ua miksonganiko parakatna gita kattarangko jakkalani bewalo dingtanggrikanisan ong·a. Indakgipa a·selrangosan ong·aija, indiba jeni bidingoba mandeska baksa agangrikanio ba golpo-alapanio kattarangko kra-bewalo jakkalna changna nanga. Pa L. D. Shira MBOSE-ni Secretary ong·engachim: unomiting angni ripeng saksa Secondary School-o skigipani kamna galaha, porikkakoba seaha. Adita antirangni ja·mano, Pa Shira-ko grongdike golpoon ua janapjolaha:

“Secondary School teacher-na chingni segipani result basako ong·gen Sir?”
“Na·ara School ka·na somoi jokgen; business-ming NGO-ni kamrangan jakchakjakonde na·ara?”
“Indakode angara man·jama Sir?”
“Ong·ja, man·jade ong·ja, on·teljakon…..”

Bachiba nang·ni ong·katna ine tariengon nang·ona saoba rona re·angdikode na·a ua mandena maiko agangen: “Aia! angade ong·katna am·engachimde….” ine? Beben, nang·ona sokanggipa mande sawa uni kri na·a aganna man·gen, indiba pilak mandenade uandakgipa bewalo aganchakna man·dika ine na·a nikgen. Mejao anga saksa mandeko grongna re·angaha. Uan attamni 2 bajimango ong·achim. Gue pan ra·bae on·ani ja·mano ua inaha, “Aiao ! sal ding·an  bilongengamo… da·o 2:30-o meeting donga ingipachiba re·angnan neng·nike nikatengaha angade…” Gue srisa cha·kue, “Meeting ingipade indakaiasai, mongsonggipade mongsonggipa, soknan nangtelaia……. tarion ong·aignokke na·aba, hai ong·katchengaiboha” ine aganna dakana agre angna nambatkala chol dongjaha.

Kattarangko gisik gnange jakkalna changana aro agancholetna ta·rakani bidingo Birbal-ko mingsinga. Walsao Akbar raja jumang mingsako nikaha. Jumango uni wagamrang, chong·sana agre, pilakan be·tokaha. Uni indake jumang nikania maiko mesoksoa uko aganchina gita ua jumang pe·giparangko okamataha. Jumang pe·giparang uamangni gisepo adita chanchirimani ja·mano jajajiji dake rajana aganaha, “Hujur, nangni ma·drang mahari pilakan nang·na skang sitokgen ine nang·ni jumang mesoksoa.” Akbar namen suk ong·jaha. Uan mairongpile namjabegipa jumang ine ua inaha. Aditani ja·mano Birbal sokbaaha. Rajani inditan suk ong·jabee dongengako nikeon Birbal uni a·selko sing·aha. Akbar an·tangni jumangko aro uni miksonganiko jumang pe·giparangni pe·talate on·aniko Birbal-na aganaha. Unon Birbal inaha, “Aiao hujur, uamangni agana gita ong·ja, nang·ni jumangni miksonganide, na·a nang·ni ma·drang maharini gisepo pilakna bate tangbangbatgen inesa mesoksoa.” Birbalni indake aganon Akbar kusi ong·aha.

June 2005


92 Comments

  1. joshua says:

    Namaha!

    Like

  2. Nambeaha, angaba katta agananio direct chanchigija aganronga, indiba angko da·alo nang·ni kattarang mikrakataha.

    Like

  3. Indakgipa gipin kattarangko poraisotaina ka·dongsoenga.

    Like

  4. Challang Sangma says:

    Poraie suk ong·beaha.

    Like

  5. Aiao! an·sengade poraitokbo gimikan… gasua iade.

    Like

  6. Pang'z Damang says:

    Bilongen namaha…..suk ong·aha angaba…iako poraie…mittela…..

    Like

  7. A·chik a·song tangbangchina!

    Like

  8. Sendim M Marak says:

    Mittela! Angni katta jakkalanio aro seanirangoba namen ong·gija jakkala aro seronga

    Like

  9. Sanchie S. Manda says:

    Namaha! Poraisoe suk ong·bejok!

    Like

  10. Sanchie S. Manda says:

    Nambeaha! Poraisoe suk ong·bejok!

    Like

  11. Salgra momin says:

    Angaba kattarangko sikatang agana aro jakkalronga; indiba da·alo indakgipa skidapaniko nikon anga namao re·china draatako man·aha. Anga kattarangko name aganna respect baksa jakkalgnok.

    Like

  12. febian marak says:

    Anga skidapaniko man·ahanina kusi ong·beaha.

    Like

  13. ningwal sangma says:

    Nambejok!

    Like

  14. pangseng ch sangma says:

    Skanggpa, ia seaniko post ka·atanina anga mittelbea aro ian angnasan gamchatgipa kattarang ong·aija sakantinan gamchatgpa kattarang ong·a ine anga aganna sika. Sakantian iandake chanchininge kattarangko jakkalna nanga. Ian angnaba namen skidapani ong·beaha. Iandakgpa kattarangko mikkangchiba an·ching sakantinan an·tangtangni u·ianiko on·gilangkuna hai. Mittela.

    Like

  15. Ganseng Momin says:

    Indakgipa skidapgiparang dongode A·chik ku·sikko name, somoini kri aro obostani kri aganna dakchakgen.

    Like

  16. Rahul Shah says:

    Bilongen namaha… Poraie suk ong·bejok!

    Like

  17. kitu coxley marak says:

    Angaba namnikbejok…

    Like

  18. salgra momin says:

    Nama bewalni kri namgipa kattarangko aganrongbata. Angaba namnikjok.

    Like

  19. Name chanchichenge aganna gita ia kattarang angko draata. Mittelbejok

    Like

  20. O·e, an·ching mandeara kattachian mandeskana gisik saaniko ba kusiniko ba duk ong·aniko ra·bana man·a. Uni gimin, an·ching jeko aganoba simsakna nangchongmota, maina an·chingni ku·sikoni jokanggimin kattarangko jedakeba ra·rikpilna man·ja.

    Like

  21. Angni janggi tanganio namgipa skidapaniko man·anina mittelbea.

    Like

  22. Lastmonth Ch Marak says:

    Ia kattarang nambeaha, maina angaba sikatang aganmanaia. Mittela.

    Like

  23. Simion sangma. says:

    Angaba A·chik jatni silrorobaanina mittela, maina da·alo pilakni gitan nambaengjok ine u·ina man·a. A·chik jatni changa sapaniko niksengatangkubo, gasani kosako dongimin chakki gita.

    Like

  24. Senbirth momin says:

    Nama! Angaba skidapaniko man·a aro katchaa.. Gital linkna angni gita mittelan baksa rimchaksoa.. Mikkangchi anga bang·a pattianiko man·na ka·dongsoa.

    Like

  25. Gisik jada dakaniko srang dakataha. Aiao! Nambejok..

    Like

  26. Toningmchada says:

    Nambeaha. Mikkangchiba namnama kattarangko chingna seatpachina mol·molatenga.

    Like

  27. Nikrak A. Sangma says:

    Anga an·tangba kattarangko jakkalanio ong·gija dakrongachim. Da·o iako nike anga mikkangchi nambate jakkalna jotton ka·rongen.

    Like

  28. Ia katta angna aro an·ching sakanti nisoenggipana cha·togipa katta ong·a. Uni gimin, ripengrang an·chingba hai ku·cholsan ong·e ia ku·agananiko ja·rikna jotton ka·pana. Ia kattana Chimik Nokpanteko dingtangmancha mittela. An·ching an·tangtangni u·i-ma·sianiko sakantinan sualgrike jakkalna hai.

    Like

  29. Balsrang D Sangma says:

    Nambejok! Nambejok! Nambebejok!

    Like

  30. Rockey Marak says:

    Sena jotna changgipa, gisik a·ning bitgiparang indaken see u·iatrongbo… an·tangni u·ianiko ba changaniko. Tusidimugipa A·chik Jatko de·mesabojok!

    Like

  31. Ong·chongota… Maina ‘noba an·ching A·chikrang indake ku·tangko ong·gija seanioba aro katta ma·gape aganjanioba ku·tangkon galnasa am·angengjok!

    Like

  32. xavier ch sangma says:

    Bang·a manderangan iako poraie namgniko man·gen ine anga bebe ra·a.

    Like

  33. Silchang A,gitok says:

    Aiao! Ia kattarang namen nambeaha…….Anga an·tangba iako poraie skidapaniko man·anina mittela.

    Like

  34. chiccarittho sangma says:

    Iandakgipa kattarangko poraie nama skidapaniko man·chongmota ine anga chanchia aro indakgipa kattarangko niktaiangkugen ine anga ka·dongsoenga… Mittela

    Like

  35. Riksrang k, sangma village, lower rong'bu. North garo hill, says:

    Indakgipa namgipa ku·pattianirangko man·e bang·a manderangna aro angna namen skidapani ong·chongmota. Indakgipa nama sikaniko angaba on·atpaenga. Mittela.

    Like

  36. Diego.sangma says:

    Nambeaha

    Like

  37. Banang Koksi says:

    Page tariaba nambeaha, skidapaniko manbeaha.

    Like

  38. Manseng K. Momin says:

    Angaba basakobade chanchigija sikatang aganmana. Indake agannaniara mandeskana namjabea.

    Like

  39. Wetterson ch sangma says:

    Iako poraina man·e senokgipako mittelbea.

    Like

  40. Iako poraiachiba bang·anan skidapani ong·gen.

    Like

  41. Anga namen kusi ong’a, ia katarangko poraianichi angna bang·en skidapaniko on·aha.. Nambeaha.. Mittela!

    Like

  42. Tengsrek Sangma says:

    Ga.sujok..!!

    Like

  43. benian mk says:

    Nambejok !!!

    Like

  44. Rikrang Momin says:

    Gasuade… Suk ong·a. Gipinrangba poraie nichimbo….

    Like

  45. Dimcheng sangma says:

    Nambeaha. mittela!

    Like

  46. sengrikam sangma says:

    Poraie rona namen nama, aro skidapani kattarangkoba man·a. Mai dake aganna nanga, chanchianiko naata…

    Like

  47. romeo marak says:

    nambejok..

    Like

  48. Wedo D Sangma says:

    Ku·siktangchi indake skidapbanirangko poraina man·e kusi ong·pretjok!

    Like

  49. Beben, angaba angni katta jakkalani aro aganbewalanirango namen gualanirangko dakrongaha. Indakgipa namgipa, knatogipa aro su·ugipa kattana angaba simsakanggen aro skidapani kattanaba anga namen mittelbeaha…

    Like

  50. Lottingson D Sangma says:

    Anga “kattarangko jakkalna changani” ingipa katta bichongko poraie u·i-ma·sianiko man·dapaha. Ia kattarangko seatgipakoba namen mittela.

    Like

  51. Nambeaha. Keep on writing such thought provoking articles.

    Like

  52. Nang·ko wate anga gipinko bi·a ka·ja; nang·oni chel·ange anga duko dongja, maina ka·sanan jringjrot – dongrimna janggi dingsan!

    Like

  53. Kristopher sangma says:

    Skidapaniko man·aha. Iako poraie nion, indakgpa skidapaniko man·sokuna anga ka·dongbea.

    Like

  54. wester sangma says:

    Namaha. Mittela.

    Like

  55. Dam'dam panchu B mrk says:

    Ia indake dingchike seaniko poraikuna sikengachim. . . .

    Like

  56. Rampoth dio sangma says:

    Namgipa kattarangko poraina man·anina nga kusi ong·bea aro namen mittela.

    Like

  57. Marsi Sangma says:

    Angaba namnikbejok!

    Like

  58. jonas sangma says:

    Nambejok aro poraina suk ong·bejok. ‘Mittelbea’

    Like

  59. Lottingson D Sangma says:

    Nambejok

    Like

  60. lekush m sangma says:

    Iako seate u·iatana mittelbejok.

    Like

  61. Nikrang R Sangma says:

    Nambejok. . .

    Like

  62. Namaha aro namasan ong·ja, uan gisik seng·e agananiko mesoka

    Like

  63. Nambejok, indake seatanirang sakantinan namgni ong•gen ine nikenga. Mittela

    Like

  64. Salman ch marak says:

    Mittela

    Like

  65. Sengchat G. Momin says:

    Namen ga·suaha aro bilongen dakchakani ong·aha

    Like

  66. Dewtone says:

    Nambejok

    Like

  67. Sanju marak says:

    Ia kattarangko poraie name nikaha.

    Like

  68. Rick says:

    Ia indake seatna nanga aro manderang an·tangtangni A·chik ong·aniko gimaatna am·giparangnaba seatna nanga, jekai Sangmako Tsangma ba Xangma aro Marakko Maraque ine sea dakgiparangna namkale mikrakataniko on·na nangkuenga.

    Like

  69. Rick says:

    Anga an·tangba iako poraie bilongen suk ong·aha. Manderangni ma·sigijaniko talate on·ani gimin mittelbea..

    Like

  70. Saldoesa wegara says:

    Kattarangko jakkalani gimin nang·ni seatani gimin namen mittelaha. Angaba indaken kattarangko jakkalna changgijagipa ong·a. Indiba mingsa, A·chikku kattarangko seani giminba gatatode namgenkon ine angade nika, maina bank-rango nape nibo, A·chik ku·sikko ong·gija seanirangko nikgen. Ianaba angade A·chik ong·e namen suk ong·jachim, talate on·panaba changara changskaja. Mittelbea.

    Like

  71. James Marak says:

    “Kattarangko Jakkalna Changani” ine miksonganiko talatna seakode angaba poraie roade bang·bejok, indiba reply ka·asa dongja. Apsan kattakon da·alo poraie rotaioara namen suk ong·e niktaiaha aro agananio maikai mandeskana aganna nangachim, ukoba ma·sie ra·na dakchakaniko on·taiaha. Senokgipako namen mittelbea.

    Like

  72. Savio Nikrang R Sangma says:

    Nambejok

    Like

  73. masthe s manda says:

    gasujok aro nambejok

    Like

  74. marak ur says:

    Mittelba. Kattarangko maidake jakkalna nanga, iani bidingo name simsake chanchie sena-jotna jotton ka·skana nanga. Achik jatni ku·sik mangmangsan ine chonnike rona nangja.

    Like

  75. Sir, nang·ni ia kan·dikgipa essay-ko sea nambeaha. Bang·bata manderangan mandeskana aganchakna changtokbebeja. Da·alo nang·ni ia kan·dikgipa essay-ko poraitoke bang·a manderangan, mandeskako mande ra·a kamchi aro nambegipa kattako jakkalachi aganpachina mo.

    Like

  76. Tony says:

    Gasujok.. Katta rang namen…

    Like

  77. Ia nangni kattarangko porai.e namen ku.si ongbe.aha. Khasi Hills.o saobarang A.chik ku.sikko “Chinga niko” ine official chittirango sea, Uni ortode “Chinga uko” ine ong.achim, iana angade A.chik ong.e namen suk ongja.

    Like

  78. Chand Emirald Mrong Marak says:

    Kattarang bilongen namaha. Iako poraigipa sakantian skidapaniko aro ma’sidapaniko man’chongmotaha ine anga bebe ra’a. MITTELA

    Like

  79. Chand Emirald Mrong Marak says:

    Kattarang nambeaha. MITTELA.

    Like

  80. Namjok, iako dakdilgiparangko mittela.

    Like

  81. likaiche says:

    Mittelbea indke namgipa kattarangko share ka’atanina B-)

    Like

  82. Nambeaha, iako poraipae mandeko maidaka somaio maidake agana nanga uako ma’sipaaha.

    Like

  83. Mitelbea ia namgipa katta. angaban ia kattako poraie masidapaniko manpaha….

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: