Kattarangko Jakkalna Changani

Melkey Chisim

“A·gilsakko watangaha” ine Salantini Janera-o gatataniko an·ching nikronga. Indakgipa seanirango ‘Ua 2005 bilsini June 10 tariko siaha’ ine seja, indiba “Ua 2005 bilsini June 10 tariko jringjrotna neng·takna gita Pagipani rimangako man·aha” inesa sea. Uan miksonganide apsan ong·a, indiba ua miksonganiko parakatna gita kattarangko jakkalani bewalo dingtanggrikanisan ong·a. Indakgipa a·selrangosan ong·aija, indiba jeni bidingoba mandeska baksa agangrikanio ba golpo-alapanio kattarangko kra-bewalo jakkalna changna nanga. Pa L. D. Shira MBOSE-ni Secretary ong·engachim: unomiting angni ripeng saksa Secondary School-o skigipani kamna galaha, porikkakoba seaha. Adita antirangni ja·mano, Pa Shira-ko grongdike golpoon ua janapjolaha:

“Secondary School teacher-na chingni segipani result basako ong·gen Sir?”
“Na·ara School ka·na somoi jokgen; business-ming NGO-ni kamrangan jakchakjakonde na·ara?”
“Indakode angara man·jama Sir?”
“Ong·ja, man·jade ong·ja, on·teljakon…..”

Bachiba nang·ni ong·katna ine tariengon nang·ona saoba rona re·angdikode na·a ua mandena maiko agangen: “Aia! angade ong·katna am·engachimde….” ine? Beben, nang·ona sokanggipa mande sawa uni kri na·a aganna man·gen, indiba pilak mandenade uandakgipa bewalo aganchakna man·dika ine na·a nikgen. Mejao anga saksa mandeko grongna re·angaha. Uan attamni 2 bajimango ong·achim. Gue pan ra·bae on·ani ja·mano ua inaha, “Aiao ! sal ding·an  bilongengamo… da·o 2:30-o meeting donga ingipachiba re·angnan neng·nike nikatengaha angade…” Gue srisa cha·kue, “Meeting ingipade indakaiasai, mongsonggipade mongsonggipa, soknan nangtelaia……. tarion ong·aignokke na·aba, hai ong·katchengaiboha” ine aganna dakana agre angna nambatkala chol dongjaha.

Kattarangko gisik gnange jakkalna changana aro agancholetna ta·rakani bidingo Birbal-ko mingsinga. Walsao Akbar raja jumang mingsako nikaha. Jumango uni wagamrang, chong·sana agre, pilakan be·tokaha. Uni indake jumang nikania maiko mesoksoa uko aganchina gita ua jumang pe·giparangko okamataha. Jumang pe·giparang uamangni gisepo adita chanchirimani ja·mano jajajiji dake rajana aganaha, “Hujur, nangni ma·drang mahari pilakan nang·na skang sitokgen ine nang·ni jumang mesoksoa.” Akbar namen suk ong·jaha. Uan mairongpile namjabegipa jumang ine ua inaha. Aditani ja·mano Birbal sokbaaha. Rajani inditan suk ong·jabee dongengako nikeon Birbal uni a·selko sing·aha. Akbar an·tangni jumangko aro uni miksonganiko jumang pe·giparangni pe·talate on·aniko Birbal-na aganaha. Unon Birbal inaha, “Aiao hujur, uamangni agana gita ong·ja, nang·ni jumangni miksonganide, na·a nang·ni ma·drang maharini gisepo pilakna bate tangbangbatgen inesa mesoksoa.” Birbalni indake aganon Akbar kusi ong·aha.

June 2005

39 Comments (+add yours?)

  1. joshua
    Sep 27, 2011 @ 17:56:33

    Namaha!

    Reply

  2. Senggreth ch marak
    Sep 30, 2011 @ 20:04:27

    Nambeaha, angaba katta agananio direct chanchigija aganronga, indiba angko da·alo nang·ni kattarang mikrakataha.

    Reply

  3. Senggreth ch marak
    Sep 30, 2011 @ 20:06:49

    Indakgipa gipin kattarangko poraisotaina ka·dongsoenga.

    Reply

  4. Challang Sangma
    Feb 16, 2012 @ 10:01:59

    Poraie suk ong·beaha.

    Reply

  5. Saviour Nokrek
    Apr 07, 2012 @ 20:27:03

    Aiao! an·sengade poraitokbo gimikan… gasua iade.

    Reply

  6. Pang'z Damang
    Apr 10, 2012 @ 08:08:05

    Bilongen namaha…..suk ong·aha angaba…iako poraie…mittela…..

    Reply

  7. Chiring niza littiush sangma
    Apr 12, 2012 @ 00:12:05

    A·chik a·song tangbangchina!

    Reply

  8. Sendim M Marak
    May 03, 2012 @ 11:18:50

    Mittela! Angni katta jakkalanio aro seanirangoba namen ong·gija jakkala aro seronga

    Reply

  9. Sanchie S. Manda
    Jun 29, 2012 @ 22:18:56

    Namaha! Poraisoe suk ong·bejok!

    Reply

  10. Sanchie S. Manda
    Jun 29, 2012 @ 22:20:17

    Nambeaha! Poraisoe suk ong·bejok!

    Reply

  11. Salgra momin
    Jul 01, 2012 @ 19:58:21

    Angaba kattarangko sikatang agana aro jakkalronga; indiba da·alo indakgipa skidapaniko nikon anga namao re·china draatako man·aha. Anga kattarangko name aganna respect baksa jakkalgnok.

    Reply

  12. febian marak
    Jul 02, 2012 @ 15:39:21

    Anga skidapaniko man·ahanina kusi ong·beaha.

    Reply

  13. ningwal sangma
    Jul 11, 2012 @ 21:14:05

    Nambejok!

    Reply

  14. pangseng ch sangma
    Jul 14, 2012 @ 10:56:24

    Skanggpa, ia seaniko post ka·atanina anga mittelbea aro ian angnasan gamchatgipa kattarang ong·aija sakantinan gamchatgpa kattarang ong·a ine anga aganna sika. Sakantian iandake chanchininge kattarangko jakkalna nanga. Ian angnaba namen skidapani ong·beaha. Iandakgpa kattarangko mikkangchiba an·ching sakantinan an·tangtangni u·ianiko on·gilangkuna hai. Mittela.

    Reply

  15. Ganseng Momin
    Jul 18, 2012 @ 12:56:22

    Indakgipa skidapgiparang dongode A·chik ku·sikko name, somoini kri aro obostani kri aganna dakchakgen.

    Reply

  16. Rahul Shah
    Jul 21, 2012 @ 18:22:54

    Bilongen namaha… Poraie suk ong·bejok!

    Reply

  17. kitu coxley marak
    Aug 03, 2012 @ 12:33:49

    Angaba namnikbejok…

    Reply

  18. salgra momin
    Sep 23, 2012 @ 19:02:38

    Nama bewalni kri namgipa kattarangko aganrongbata. Angaba namnikjok.

    Reply

  19. Probeth Ch Marak
    Oct 13, 2012 @ 21:39:16

    Name chanchichenge aganna gita ia kattarang angko draata. Mittelbejok

    Reply

  20. Zimichryst Garey Marak
    Nov 30, 2012 @ 21:34:58

    O·e, an·ching mandeara kattachian mandeskana gisik saaniko ba kusiniko ba duk ong·aniko ra·bana man·a. Uni gimin, an·ching jeko aganoba simsakna nangchongmota, maina an·chingni ku·sikoni jokanggimin kattarangko jedakeba ra·rikpilna man·ja.

    Reply

  21. Lastborn T. Sangma
    Dec 13, 2012 @ 10:53:37

    Angni janggi tanganio namgipa skidapaniko man·anina mittelbea.

    Reply

  22. Lastmonth Ch Marak
    Dec 26, 2012 @ 08:27:33

    Ia kattarang nambeaha, maina angaba sikatang aganmanaia. Mittela.

    Reply

  23. Simion sangma.
    Dec 26, 2012 @ 14:24:33

    Angaba A·chik jatni silrorobaanina mittela, maina da·alo pilakni gitan nambaengjok ine u·ina man·a. A·chik jatni changa sapaniko niksengatangkubo, gasani kosako dongimin chakki gita.

    Reply

  24. Senbirth momin
    Feb 07, 2013 @ 20:06:30

    Nama! Angaba skidapaniko man·a aro katchaa.. Gital linkna angni gita mittelan baksa rimchaksoa.. Mikkangchi anga bang·a pattianiko man·na ka·dongsoa.

    Reply

  25. Malefourth B Marak.
    Feb 08, 2013 @ 10:27:35

    Gisik jada dakaniko srang dakataha. Aiao! Nambejok..

    Reply

  26. Toningmchada
    Feb 15, 2013 @ 13:54:01

    Nambeaha. Mikkangchiba namnama kattarangko chingna seatpachina mol·molatenga.

    Reply

  27. Nikrak A. Sangma
    Mar 19, 2013 @ 23:20:42

    Anga an·tangba kattarangko jakkalanio ong·gija dakrongachim. Da·o iako nike anga mikkangchi nambate jakkalna jotton ka·rongen.

    Reply

  28. pangseng ch sangma
    Mar 21, 2013 @ 09:57:24

    Ia katta angna aro an·ching sakanti nisoenggipana cha·togipa katta ong·a. Uni gimin, ripengrang an·chingba hai ku·cholsan ong·e ia ku·agananiko ja·rikna jotton ka·pana. Ia kattana Chimik Nokpanteko dingtangmancha mittela. An·ching an·tangtangni u·i-ma·sianiko sakantinan sualgrike jakkalna hai.

    Reply

  29. Balsrang D Sangma
    Apr 29, 2013 @ 08:18:14

    Nambejok! Nambejok! Nambebejok!

    Reply

  30. Rockey Marak
    May 25, 2013 @ 19:26:21

    Sena jotna changgipa, gisik a·ning bitgiparang indaken see u·iatrongbo… an·tangni u·ianiko ba changaniko. Tusidimugipa A·chik Jatko de·mesabojok!

    Reply

  31. Chiring niza littiush
    May 31, 2013 @ 23:45:32

    Ong·chongota… Maina ‘noba an·ching A·chikrang indake ku·tangko ong·gija seanioba aro katta ma·gape aganjanioba ku·tangkon galnasa am·angengjok!

    Reply

  32. xavier ch sangma
    Jun 06, 2013 @ 12:04:57

    Bang·a manderangan iako poraie namgniko man·gen ine anga bebe ra·a.

    Reply

  33. Silchang A,gitok
    Jun 12, 2013 @ 12:39:42

    Aiao! Ia kattarang namen nambeaha…….Anga an·tangba iako poraie skidapaniko man·anina mittela.

    Reply

  34. chiccarittho sangma
    Jun 25, 2013 @ 10:59:38

    Iandakgipa kattarangko poraie nama skidapaniko man·chongmota ine anga chanchia aro indakgipa kattarangko niktaiangkugen ine anga ka·dongsoenga… Mittela

    Reply

  35. Riksrang k, sangma village, lower rong'bu. North garo hill,
    Jun 25, 2013 @ 11:15:44

    Indakgipa namgipa ku·pattianirangko man·e bang·a manderangna aro angna namen skidapani ong·chongmota. Indakgipa nama sikaniko angaba on·atpaenga. Mittela.

    Reply

  36. Diego.sangma
    Jul 24, 2013 @ 13:09:40

    Nambeaha

    Reply

  37. Banang Koksi
    Sep 14, 2013 @ 01:53:13

    Page tariaba nambeaha, skidapaniko manbeaha.

    Reply

  38. Manseng K. Momin
    Sep 19, 2013 @ 13:06:48

    Angaba basakobade chanchigija sikatang aganmana. Indake agannaniara mandeskana namjabea.

    Reply

  39. Manseng K. Momin
    Sep 19, 2013 @ 13:12:52

    Nambeaha

    Reply

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 26 other followers